Uruguay oo Tariinka ka tuurtay Korea
PORT ELIZABETH, South Africa (CIYAARO)?Luis Suarez ayaa 2dii qeybood ee ciyaarta 2 gool oo uu u dhaliyay xulkiisa waxey u suuragalisay Uruguay iney 2-1 kaga adkaadaan South Korea isla markaana ay u soo baxdo markii ugu horeysay mudo 40 sano ah quarterfinal-ka koobka aduunka.
Suarez oo 2da gool kala dhaliyay daqiiqadihii 8aad iyo tii 80aad ayaa wuxuu quusiyay Korea oo ka rajo qabtay in ciyaarta waqti dheeri ah lagu daro xilli ay bareejo aheyd.
Korea waxey ku riyooneysay in ay markii ugu horeysay soo gaarto wareega 8da ee koobka aduunka meel ka baxsan dhulkeeda.
Lee Chung-yong ayaa goolka qura ee ay korea heshay u dhaliyay daqiiqadii 68aad ee ciyaarta kaasoo ciyaarta ka dhigay 1-1 ka hore inta aan laga dhalin goolka guusha.
Uruguay waxey wareega 8da la ciyaari doontaa xulalka United States ama Ghana ? midkii soo adkaada oo caawa ku ciyaari doona Johannesburg .
ciyaaro@gmail.com
