Bayern oo 2 sano siisay Mueller
MUNICH, Germany (CIYAARO)—Bayern Munich ayaa siisay 2 sano oo heshiis ah Thomas Mueller si uu ula sii joogo kooxda , kaasoo u suuragalinaya inuu ka sii ciyaaro horyaalka Bundesliga illaa iyo 2015.
20-sano jirkaasi weererka ka ciyaara ayaa wuxuu wada ciyaaray dhamaan 34 tii kulan ee horyaalka Bundesliga sanadkii tagay , xilligaasi wuxuu u ahaa kiisii ugu horeeyay ee uu u ciyaaro Bayern , wuxuuna noqday gool dhaliyaha 2aad ee kooxda markii uu 13 gool dhaliyay. Wuxuu kooxdaasi ka caawiyay iney qaadato horyaalkii iyo koobkii dalka iyo imaanshihii finalihii Champions League.
Mueller markii uu 5 gool ka dhaliyay koobkii aduunka 2010, 3 kana uu caawiyay wuxuu qaatay kabihii dahabka ahaa , iyadoo loo sii doortay ciyaaryahankii ugu dada yaraa ee ugu fiicnaa koobka aduunka. Germany kaalinta 3aad ayeey koobka ka galeen.
ciyaaro@gmail.com
