LONDON, (CIYAARO) – Weeraryahanka reer Brazil Robinho ayaa soo afjaray farxad la’aantii ku heysatay Manchester City markii uu si rasmi ah ugu biiray AC Milan xalay.
Laakiin lacagta lagu kala gatay wali lama sheegin inta ay dhantahay, hayeeshee waa heshiis qiimo sare ku kacaya iyadoo suuqa kala iibsiga irdaha la iskugu dhuftay tan iyo inta laga gaarayo January.
26-sano jirka Robinho, oo City 32.5 million pounds ay kaga soo gadatay Real Madrid isla markaana u 80 kulan u ciyaaray xulkiisa, ayaa wuxuu boos ka waayay Manchester isagoo 6dii bilood ee ugu danbeysay deyn ahaan ugu maqnaa horyaalka Brazil gaar ahaan Santos.
Robinho, wuxuu qalinka ku duugi doonaa 4 sano oo heshiis ah, wuxuuna fure u noqon doonaa kooxda Serie A ka ciyaarta oo ay horyaalka ugu danbeysay 2004.
Sky Television ayaa soo muujiyay sawirka 26-sano jirkaasi oo jooga Milan gaar ahaan garoonka tababarka kooxda.
ciyaaro@gmail.com