Juve oo hadaafisay AC Milan
ROME (CIYAARO) – Juventus ayaa guuldaro u xanbaarisay kooxda AC Milan markii ay 2-1 u saarisay ciyaartii xalay ka dhacday garoonka San Siro iyadoo sidaa ku soo nooleysay rajada horyaalka scudetto.
Fabio Quagliarella iyo Alessandro Del Piero ayaa 2daasi gool u kala dhaliyay Juve taasoo u suuragalisay iney booska 4aad soo fariisato ee Serie A, waxeyna 2 dhibcood oo kaliyaha ka hooseysaa Milan oo ah kooxda ay ka badisay.
Guusha Juventus waxey timid xilli cambaareyn culus loo jeedinayo qaab ciyaareedka kooxda oo ah iney xilligii xumaa ku jirto.
Del Piero wuxuu xalay dhaliyay goolkiisii 179aad ee intii uu u ciyaarayay Juventus , waxeyna taasi ka dhigan tahay inuu yahay ciyaaryahanka heysta record gool dhalinta kooxdaasi, hal gool wuxuu ka sara maray Giampiero Boniperti.
