Ronaldo oo guushii faraha ka saaray Madrid
MADRID (CIYAARO)—Cristiano Ronaldo ayaa 2 gool oo uu dhaliyay 8dii daqiiqo ee ugu dambeysay wuxuu ugu suuragaliyay Real Madrid iney 3-1 kaga adkaadaan Hercules sidaana waxey ku jiifatay hogaanka Spanish league, halka Barcelona ay 5-0 kaga adkaatay Sevilla.
Hercules ayaa hogaanka ciyaarta qabatay 3 daqiiqo markii ay socotay kaasoo uu dhaliyay David Trezeguet ka hore intii uusan goolkii bareejada ahaa Real Madrid u dhalin Angel Di Maria daqiiqadii 53aad.
Ronaldo ayaa goolkiisii 12-aad ka dhaliyay garoonka Rico Perez Stadium isagoo sidaa ku ah hogaamiyaha gool dhalinta horyaalkaasi.
Madrid waxey horyaalka ku hogaamineysaa 23 dhibcood 9 kulan oo ay ciyaartay, Barcelona ayaa booska 2aad ku jirta oo leh 22 dhibcood markii ay min 2 gool u kala dhaliyeen Lionel Messi iyo David Villa iyadoo ay 5-0 ku dubatay Sevilla.
Barcelona waa guushii 4aad oo isku xigta oo ay 4-0 kaga badineyso kooxda reer Andalucian.
Messi wuxuu dhaliyay goolkiisii 7aad ee horyaalka wuxuuna xaga gool dhalinta ka hooseeyaa —Ronaldo—Messi sidoo kale goolkaasi wuxuu u ahaa goolkii 10aad ee uu ka dhaliyo Sevilla.
Sunni Said Salah
ciyaaro@gmail.com
