Gudoomiyaha GOS oo heshiis taariikhi ah dhex dhigay garabyadii Sports Nairobi isku heysta+Sawiro
Gudoomiyaha Guddiga Olympic Soomaaliyeed ee GOS Aaden Xaaji Yabarow (Wiish) ayaa heshiis taariikhi ah dhex dhigay 2dii garab ee isku heystay hogaanka Jaaliyada Sports Soomaalida Nairobi, iyagoo wada hadal dheer kadib ku heshiisay iney midoobaan oo ay isku biiraan isla markaana ay jagooyinkii kala qeybsaday.
Mideynta 2da garab waxaa sidoo kale gacan weyn ka geystay Saciid Qoorsheel, Aadaamo, iyo Liibaan Sheikhdoon, waxaana xaflada qado ah oo lagu maamuusaayo heshiiskaasi maantay oo Khamiis ah lagu qabtay Hotel Kiliminjaro ee Nairobi.
Munaasabada qadada ah waxaa ka soo qeybgalay bahda sports Soomaaliyeed ee xilligan ku sugan Nairobi oo aan u kala harin, waxaana ka mid ahaa, Gudoomiyaha GOS Wiish, Mahamed Abdow oo ah xoghayah fulinya ee GOS, Liibaan Sheekhdoon oo ah wakiilka GOS ee Nairobi, Saciid Qoorsheel oo ahaa captainkii xulka K/koleyga Somalia, Garsoore Mohamed Farah (Dab-damis), C/lahi Baaskuwaale, Abdishakur Jeenyo, Muxiyadiin Canbar Khamiis, Aadaamo iyo kuwo kaloo aad u fara badan.
Khaliif Baggio Gudoomiyaha Sports Jaaliyadda Soomaalida Nairobi oo ka hadlaya Munaasabadii heshiiska/ Photo by Sunni
Munaasabada qadada ah oo qudbado fara badan laga soo jeediyay, waxaa dadkii goobta ka hadlay ka mid ahaa Gudoomiyaha Jaaliyada Sports Soomaalida Nairobi Khaliif Cali Axmed (Baggio) oo madasha ka cadeeeyay inuu dhamaaday qilaafkii 2da maamul ee isku heysatay Spors Soomaalida Nairobia, isla markaasina uusan jirin doonin isqabqabsi danbe `oo ay ku qanacsanyihiin sida uu heshiisku u dhacay.
Anas Ali Mahamuud oo loo doortay Xoghayaha Guud ee Jaaliyada Sports soomaalida Nairobi ayaa sheegay in illah ka sakow ay mahad heshiiskaan leeyihiin Guddiga Olympic Soomaaliyeed ee GOS gaar ahaan Wiish oo uu sheegay in heshiiskaan uu sabab u ahaa.
Anas Ali Xoghayaha guud ee jaaliyada Sports Soomaalida Nairobi oo munaasabada ka hadlayay/ Photo By Sunni
Anas wuxuu sheegay in hada ay ku tala jiraan iney sameeyaan 2 kooxood oo mid ka mid ah ay tahay Basketball mida kalana ay tahay Hanball kuwaasoo uu sheegay iney ka qeybgali gali doonaan horyaalada dalka Kenya.
Saciid Qoorsheel Captain-kii hore xulka Basketball-ka Soomaaliya oo xafladii heshiiska ka hadlaya/ Photo By Sunni
Saciid Qoorsheel ayaa sheegay in uu ku faraxsanyahay in hada kadib uusan arki doonin wax qilaaf ah oo ka dhex jira sports Soomaalida Nairobi , waxey aheyd ayuu yirin in iyagu ay gartaan in ay heshiiyaan laakiin ma noqon, sidaa dartee in lala xisaabtami doono ha ogaadaan, “qofkii ka horyimaada wixii lagu heshiiyay si toos ah ayaa maamulka looga saari doonaa” ayuu yiri.
Munaasabada waxaa soo xiray Goomiyaha GOS Aaden Xaaji Yabarow (Wiish) oo sheegay in markii uu Nairobi imaanayay 2da garab uu mid walba si gooni ah u soo dhaweeyay, “markii aan aragnay qilaafka meesha ka jira waxaan go’aansanay in aanan meesha ka tagin ilaa aan heshiis dhexdhigno 2da maamul” ayuu yiri Mr Wiish.
Gudoomiyaha GOS Wiish oo xafladii xiritaanka heshiiska ka hadlaya/ Photo by Sunni
“Bixitaankeygii waan baajiyay, waqti badan ayeeyna nagu qaadatay in aan heshiis ku soo afjarno qilaafka jiray, Anas iyo Khaliif si fiican ayeey noo sharfeen, waxeyna naga aqbaleen in ay qaataan wax walba oo aan go’aan ku soo gaarno, ilaah mahadii wey naga aqbaleen wixii aan u soo jeedinaya oo ahaa iney sameystaan maamul mideysan oo ay ku mideysan yihiin” ayuu Mr Wiish hadalkiisii ku soo gabagabeeyay.
Bahdii Sports ee munaasabada ka soo qeybgashay/ Photo By Sunni
Munaasabada qadada ah ee lagu maamuusayay heshiiska taariikhiga ah ee ay gaareen 2dii maamul ee isku heysta madaxtinimada Sports Soomaalida Nairobi ayaa waxaa looga dhawaaqay guddiga Maamulaya Sports Soomaalida Nairobi iyo Golaha marjaca ee loo noqonayo hadii isfaham daro ay timaado.
LIiska Guddiga Sports Soomaalida Kenya
Khalif Ali Ahmed (Baggio) Gudoomiye
Mohamed Salaad Daqare Gudoomiye ku xigeen
Abdirisaaq Moh(Cabdirisaaq dheer) Gudoomiye ku xigeen
Anas Ali Mahamuud Xoghayaha guud
Abdishakuur Jeenyo Hanti dhowre
iyo 4 xubnood
Golaha Marjaca
Abdulahi Yusuf Ali (Baskuwaale)
Abdishakur Jenyo
Abdulahi Omar Shire
Abdi Farah (Macalin Gelle)
Muhiyadin Anbar Khamis
Abdikarin Ahmed Iligey
Sunni Said Salah
sunnijournalist@gmail.com
Waa arrin aad muhiim u ah runtiina waxaan mahad balaaran u celinayaa intii isku mashquulisay dhamaynta qilaafkii ka jiray jaaliyada,
waa arrin farxad u ah bahweynta isbootiga somaliya waayo isqab-qabsi isboortigu uma aha horumar,waxaana u mahad celinayaa dhamaan dadkii isku mashquuliyey dhameynta qilafkaas guud ahaan,gaar ahaan gudoomiyaha guddiga olimbikada somaliyeed iyo asxaabtii kulankaas dhex dhexaadinta ah ku guuleesatay.