Ururka Somaliweek London oo qaban doona ciyaaro lagu xusayo 15 May
Waxaa barnamij isugu jira xaflad , Qorituur iyo Cayaaro saaxibtinimo oo ay soo abaabuleen Ururka Somali Week London ayaa lagu qaban doonaa maalinta Axadda ee nagu soo aadan oo ay taariikhduna ku beegan tahey xuska 15 May 1943, maalintii la aasaasay Ururkii SYL – Aabayaashii gobanimodoonka dalka Soomaaliya ka xoreeyay gumaystayaashii dalka haysta islamarkaana keenay xornimada iyo calanka dalka Soomaaliya.
Cayaaro saaxiibtnimo oo ay ka qayb gali doonaa ilaa 8 kooxood oo ka kale imaan doono magaalooyin kale duwan ayaa lagu qaban doonaa garoonka ku yaal xaafada Stone Bridge ee The Pavillion, saacadu markay tahay 13:00 duhurnimo ilaa 17:00 pm, kuwaasoo ah kooxaha dhalinta cuslaatey iyo kuwa cusub.
Kadibna waxaa isla Hall-ka The Pavillion lagu qaban doono fiidnimada Qorituurka tartankii 3aad ee lagu qabto magaalada London ee Somali Week. Kadibna waxaa halkaasi lagu qaban doono barnaamij lagu xusuyo halyeeyadii xornimada dalka Soomaaliya islamarkaana ahaa aasasayaashii Ururkii SYL , iyadoo si gaar ah loogu marti qaaday dad sumcad wanaagsan ku dhex leh bulshada Soomaaliyeed oo ka kale imaan doono qaybo kale duwan, hadii ay ahaan laheyn taariikhyahano, siyaasiyiin, aqoonyahano, dhalinyaro, rag iyo dumar, fanaaniinta Qaranka iyo qaar ka tirsan ciyaartooydii hore ee dalka Soomaaliya oo ka kooban wiilal iyo gabdho.
Hadaba ha moogaanin barnaamijkaan xiisaha badan iyo inaad ka soo qayb gasho, wixii faahfaahin kale xiriir gudiga qaban qaabada barnaamijyadaan quruxda badan.
Calanka Soomaaliya iyo astaanta SYL hore uga soo qaado meesha aad joogto si loo weyneeyo maalinta xusuusta wanaagsan leh, waana muhiim inaad muujiso Soomaalinimo iyo wadaniyad dhab.
Yusuf Yusuf
