Chelsea, Arsenal & Liverpool oo bareejooyin ku bilaabay furitaanka horyaalka Premier League
Macalin Andre Villas-Boas ayaa kulankiisii ugu horeeyay ee horyaalka Premier League ee isagoo macalin u ah Chelsea wuxuu ku dhameystay bareejo gool la.aan ah oo uu la galay kooxda Stoke City kaasoo ka dhacay garoonka Britannia Stadium , bilowgii ciyaarta, Chelsea waxey u muuqatay mid isku dhexyaacsan laakiin qeybtii danbe ee ciyaarta iyada ayaa maamulka la wareegtay , iyadoo garsoore Mark Halsey, uu dhowr rigoore ka diiday Chelsea.
Arsenal iyo Liverpool ayaa sidoo kale niyad jab kala hoyaaday furitaanka horyaalka English Premier League markii ay bareejooyin la kala galeen kooxihii ay la ciyaareen., kooxda Gunners waxey ku guuldareystay iney wax gool ah ka dhaliso Newcastle oo ay la gashay 0-0.
Weeraryahanka xulka Ivory Coast Gervinho oo kulankiisii ugu horeeyay y u saftay Arsenal ayaa ku guuldreystay inuu wax gool ah u dhaliyo kooxdiisa intaa waxaa u dheer in ciyaarta laga saaray 14 daqiiqo markii ay ka dhimaneyd waqtigii loogu talagalay ciyaartu.
Liverpool oo hogaanka u heystay Sunderland ciyaartii ka dhacday Anfield markii ay gool ka heshay Luis Suarez daqiiqadii 12aad ayaa 1-1 la dhaafi weysay wallow weeraryahanka reer Uruguay uu kooxdiisa gool rigoore ahaa ka qasaariyay, Sebastian Larsson ayaa goolka bareejada ah u dhaliyay Sunderland daqiiqadii 57aad.
