Manchester City oo goolal ku harqisay Tottenham
LONDON (CIYAARO)—Edin Dzeko ayaa 4 gool oo uu u dhaliyay Manchester City wuxuu ugu suuragaliyay in ay 5-1 ku xasuuqaan Tottenham, taasina waxey muujineysaa iney tahay koox awood badan, isla markaana u sharaxan sanadkaan hanashada horyaalka Premier League.
Samir Nasri oo kulankiisii ugu horeeyay city galabtay u ciyaaray ayaa 2 ka mid ah goolasha Dzeko sabab ahaa , weeraryahanka reer Bosnian wuxuu kaloo goolashii ka helay Yaya Toure.
City waxaa lagu qarash gareeyay aduun gaaraya $1 billion hal sano gudaheed si ay ciyaartoy tayo leh u helaan oo kaliyaha, natiijadaana waxey u muuqataa in Sheikh Mansour-oo ah milkiilaha kooxda uu hada helay weeraryahano isla jaan qaadi kara oo ay kooxdu leedahay.
City sidii horyaalka cusub uu u bilwoday waxey dhalisay 12 gool, 3 kulan oo ay ciyaartay..
