LONDON (CIYAARO)—Manchester United ayaa ku barbaratay kooxda waqooyiga  London ka dhisan ee Arsenal markii ay galabtay ku kulmeen kulan ka tirsanaa horyaalka  Premier League ,  Arsenal  oo aad looga ciyaar wanaagsanaa ayaa waxaa loo geystay xasuuq aan caadi aheyn , kadib markii dhabarka loo saariyay 8-2 , waana goolashii ugu badnaa ee galabtay horyaalka laga dhaliyo marka laga soo tago kuwii ay  City kaga badisay Tottenham oo gaarayay 5-1.

Edin Dzeko oo 3 gool u dhaliyay  City ciyaartii ka dhacday  White Hart Lane, ayaa waxaa u jawaabay Wayne Rooney  oo kooxdiisa horyaalka difaacaneysa u dhaliyay tiro intaasi la eg.

United waxey horyaalka ku hogaamineysaa gool tirsi maadaama ay xagga dhibcaha iskaga mid yihiin  City , labada kooxood ee isku magaalada ah waa kuwo kaliyaha ee 3dii kulan ee ugu horeeyay horyaalka wada badiyay.

Arsenal 3dii kulan oo ay ciyaartay waxey ka heshay hal dhibic oo kaliyaha., guuldaradaana waxey  Gunners u tahay tii ugu cusleysay ee ku dhacda intii uu macalinka u ahaa  Arsene Wenger.

United waxaa goolasha u kala dhaliyay Ashley Young, Danny Welbeck, Nani iyo Ji-Sung Park oo ay la socoto 3da gool ee  Rooney kuwaasoo 2 ka mid ah  ay ahaayeen laadadka xorta ah ( free-kicks) halka kan soo harana uu ahaa rigoore, Arsenal waxaa 2da gool u kala dhaliyay Theo Walcott iyo Robin van Persie.

Van Persie wuxuu kooxdiisa ka qasaariyay gool rigoore ahaa oo loo dhigay xilli ay ciyaarto mareysay  1-0 oo ay United hogaanka ku heysay.

Related posts:

Share/Bookmark