Real oo ku tumatay Ajax
MADRID (CIYAARO)—Cristiano Ronaldo iyo Kaka ayaa Real Madrid u horseeday guusha 3-0 ah ee ay ka heshay Ajax kulankii xalay ee Champions League , natiijadaasina waxey kooxda reer Spanish u sahashay iney ku fariisato hogaanka Group D markii ay aruursatay 6 dhibcood , 2dii kulan oo ay ciyaartay.
Ajax 15kii daqiiqo ee ciyaarta ugu horeysay waxey la soo baxday wacdaro la yaab leh hayeeshee waxaa xawaaraheedii aamusiyay Cristiano Ronaldo oo daqiiqadii 25aad gool ku aamusiyay , ciyaartaasoo ka dhacday garoonka Santiago Bernabeu.
Kaka – goolkaasi wuxuu u ahaa kiisii ugu horeeyay iyadoo uu tartankaan uu ciyaaray xalay markii ugu horeysay laga soo bilaabo 2009 – goolka 3d waxaa Madrid u dhaliyay weeraryahanka reer French Karim Benzema.
Madrid kooxda horyaalka Dutch heysata waxey ka dhaliyeen 2dii sano ee la soo dhaafay tiro goolal ah oo gaareysay 9-0.
Madrid 2 kulan oo ay ciyaartay waxey leedahay 6 dhibcood, Ajax ilaa iyo hada waxey heshay hal dhibic. Lyon 4 dhibcood ayeey aruursatay markii ay 2-0 kaga badisay Dinamo Zagreb, taasoo group-kaan ugu hooseysa isla markaana aan wax dhibic ah laheyn.
Sunni Said Salah
