Bareejada City oo hogaanka Premiership aan waxba ka badalin
Manchester City ayaa wali waxey 5 dhibcood oo nadiif ah ku heystaa hogaanka horyaalka English Premier League markii ay 1-1 bareejo ah la gashay kooxda Liverpool.
Captain-ka City Vincent Kompany ayaa daqiiqadii 31d hogaanka u dhiibay kooxdiisa hayeeshee Liverpool ayaa 2 daqiiqo kadib iska soo guday goolkaasi markii Joleon Lescott uu goolkaasi ka dhaliyay kooxdiisa City kaasoo ahaa laad uu soo riday Charlie Adam.
11 kulan oo ay badisay iyo 2 kulan oo bareejo ah waxey City u sahleysaa iney 5 dhibcood ka sara marto kooxda ay isku magaalada yihiin ee horyaalka difaacaneya ee United .
United, oo sanadkii tagay jabisay record ay 21-ka sano heysatay Liverpool oo ahaa kooxda ugu horyaalka badan England ayaa 1-1 bareejo ah la gashay Newcastle kulankeedii horyaalka.
City , waxey ciyaarta xalay ku dhameysatay 10 ciyaartoy markii ciyaarta laga saaray weeraryahankeeda Mario Balotelli oo labo jaalle qaatay.
Liverpool , waxey horyaalka kaga jirtaa booska 6aad, waxeyna gool tirsi kaga sareysaa Arsenal.
Sunni Said Salah
