Ibrahimovic oo goolkiisii 100 cadaadis ku galiyay Juventus
MILAN (CIYAARO)—Zlatan Ibrahimovic ayaa dhaliyay goolkiisii 100 ee horyaalka Serie A markii uu AC Milan u dhaliyay 2 ka mid ah 4-0 ay ku maasheeyeen kooxda Chievo , guushaasoo cadaadis ku keeneysa kooxda hogaanka u heysa Serie A ee Juventus.
Dhamaan goolashaasi Milan waxey dhasheen qeybtii hore ee ciyaartii ka dhacday garoonka San Siro. mid ka mid ah goolasha Ibrahimovic wuxuu ahaa rigoore, kuwo soo harana waxaa Milan u kala dhaliyay Thiago Silva iyo Alexandre Pato.
Natiijadaan Milan waxey hal dhibic ka hoos marineysaa Juventus, taasoo uu kulan u harsanyahay.
Inter Milan ayaa dhamaadkii ciyaarta waxaa goolkii guusha u dhaliyay Luc Castaignos taasoo 1-0 kaga badisay kooxda 10-ka ciyaartoy ku ciyaareysay ee Siena, guushaan waxey Inter u tahay tii 2aad oo isku xigta oo ay horyaalka ka helaan iyadoo wax yar uun ka soo fogaaay halka ugu hooseysa ee horyaalka ee loo yaqaan relegation zone.
Adrian Mutu ayaa Cesena u dhaliyay 2-0 ay kaga badisay Genoa, halka Cagliari ay 1-1 bareejo ah la gashay Bologna.
Sunni Said Salah
