Juve oo dagaal badan kadib bareejo ka heshay Napoli
MILAN (CIYAARO)—Hogaamiyaha horyaalka Talyaaniga Juventus ayaa dagaal xoogan oo ay xalay la gashay Napoli kadib iska soo guday 2 gool oo lagala hormaray kadibana ay ku kala baxeen 3-3 bareejo ah , taasoo wali ka dhigan in aan 12 kulan oo horyaalka Serie A ah aan laga badin Juve.
Marwada waayeesha ah ee reer Turin, natiijadaasi waxey u suuragalineysa iney 2 dhibcood ka sii fogaato kooxda ku soo xigta ee AC Milan.
Napoli, natiijadaasi dharbaaxo ayeey ku tahay maxaa yeelay waxey mugdi galineysaa hardanka ay horyaalka ugu jirto, 9 dhibcood ayeey ka hoos mareysaa Juve iyadoo booska 6aad fadhida.
Goolasha Napoli waxaa u kala dhaliyay Marek Hamsik iyo Goran Pandev . waxeyna isku heystay iney guusha ciyaarta la hoyaadeen laakiin Alessandro Matri, Marcelo Estigarribia iyo Simone Pepe ayaa Juve ka fujiyay sidaana ku tirtiray rajadii Napoli.
Sunni Said Salah
