Tunisia oo dirqi kaga badbaaday Niger iyo Morocco oo boorsooyinkeeda qaadatay
Published on January 27, 2012 by Suni Said Salah · No Comments
LIBREVILLE, Gabon (CIYAARO)—Issam Jemaa ayaa daqiiqadii 90d ee dhamaadkii ciyaarta xulkiisa Tunisia badbaadiyay markii uu goolkii badiska ahaa u dhaliyay , isla markaana wuxuu u suura galiyay iney u soo baxaan wareega quarterfinal-ka markii ay 2-1 dirqi ah kaga badiyeen xulka Niger oo gabi ahaanba ku cusub tartankaan.
Issam Jemaa oo ciyaarta badal ku soo galay ayaa goolkaasi dhaliyay xilli uu garsoorihii ciyaarta uu isku diyaarinayay inuu soo afjaro kulanka , sidaana uu dhulka kula jaray Niger oo ay ku wada jiraan Group-ka C.
Youssef Msakn ayaa goolkiisii labaad ee tartanka wuxuu u dhaliyay Tunisia kadib markii uu hogaanka u dhiibay daqiiqadii 4aad ee ciyaarta, laakiin hal daqiiqo kadib waxaa goolkaasi soo bareejeeyay Ngounou Tonji.
Bruno-Zita Mbanangoye ayaa goolkii guusha u dhaliyay Gabon, taasoo 3-2 kaga badisay Morocco , natiijadaasi waxey xulka koobka wax ka matigalinaya u sahashay in ay u soo baxaan quarterfinal-ka African Cup of Nations kadib markii ay daaqada ka saartay xulkii loo saadaalinayay iney Group-ka C ka soo bixi doonaan.
Tunisia iyo Gabon ayaa si toos ah u jartay ticket-kii wareega labaad ee koobkaan, iyadoo Morocco ay noqotay xulkii ugu danbeeyay ee qaarada africa ugu magac dheer kaasoo si lama filaan ah taratnka qaramada Africa looga reebay.
Sunni Said Salah
Related posts:
Messi oo taariikh cusub oo dhanka gool dhalinta ah lugtiisa ku xariiqay
Lionel Messi ayaa noqday ciyaaryahankii ugu da'da yaraa ...
Dhimashada dad oo caan ah oo Rabi uu sababa ugu dhigay goolasha Aron Ramse
Xiddiga khadka dhexe ee kooxda Arsenal Aron ...