Xidigii hore ee kooxda Liverpool Ian Rush ayaa ka hadlay mustaqbalka Mohamed Salah, weeraryahanka kooxda, kadib hadaladii uu dhawaan sheegay.
Heshiiska Mohamed Salah ayaa dhamaanaya dhamaadka xilli ciyaareedkan waxana uu Salah dhawaan sheegay in aanay maamulka kooxdu u soo bandhigin heshiis cusub.
Rush oo arinta ka hadlaya ayaa yidhi”Mararka qaar kuma fiicnaan kartid kooxaha kale ee aad tagto”.
Isaga oo raaciyay: “Tani waa waxa ay tahay in aad eegto, Liverpool waa koox weyn, waxa aan ka soo tagay Liverpool si aan u aado Juventus laakiin aad ayaan u nasiib badanahay in aan fursad u helay in aan soo laabto, aad ayaan u nasiib badanahay”.
Waxa uu intaa ku daray: “Aan aragno waxa dhaca, laakiin ugu dambeyntii dhammaan ciyaartoyda way baxaan”.
