Ademola Lookman ayaa noqday mid ka mid ah ciyaartoyda loogu doonista badan yahay kubbada cagta Yurub 72-kii saacadood ee ugu danbeeyay kadib markii ay laba kooxood oo kale ku soo biireen tartanka loogu jiro saxiixiisa.
Paris Saint-Germain ayaa aheyd kooxdii ugu horeysay ee la xiriirto wakiiladiisa si ay ugu dhaqaaqaan ka dib markii uu dhaawac soo gaaray weeraryahanka reer Portugal Goncalo Ramos kulankii furitaanka xilli ciyaareedka.
Kooxaha Premier League ee Liverpool iyo Arsenal ayaa ku soo biiray tartanka 24-kii saac ee la soo dhaafay, waxayna labada dhinacba doonayeen in ay xoojiyaan weeraradooda inkasta oo ay guulo gaadheen kulamadoodii furitaanka horyaalka.
Waa kuwaan seddexda koox ee xiiseynaya xiddiga.
1. Paris Saint-Germain
PSG waxay bilaabeen inay la xiriiraan wakiiladiisa waxayna soo jeediyeen qandaraas ku kacaya 5 milyan oo euro xilli ciyaareedkii, sida laga soo xigtay warbixino badan oo ka soo baxay warbaahinta Talyaaniga iyo Faransiiska, inkastoo aysan wali la xiriirin kooxda fadhigeedu yahay Bergamo.
2-Arsenal
sida laga soo xigtay Alfred Pedulla, Gunners ayaa soo bandhigtay xiisaha ay u qabto xiddiga reer Nigeria, waxaana ay diyaar u yihiin inay ku bixiyaan 42 milyan oo ginni oo lagu daray daafaca reer Poland ee Jakub Kiwior.
Marka lagu daro ciyaaryahanka ayaa la filayaa inuu hoos u dhigo qiimaha kaas oo la filayo inuu noqdo ku dhawaad 60 milyan oo ginni.
3. Liverpool
Reds ayaa ka aamustay suuqa kala iibsiga inkastoo loo magacaabay maamulaha cusub ee Arne Slot.
Liverpool ayaa xiiso dheer u haysay xiddiga reer Nigeria, laakiin wax horumar ah ma samayn.
Waxay u dhaqaaqi karaan saxiixa xiddiga haddii fursad ay timaado.
