Alisson Becker ayaa taam u ah kulanka Liverpool ay la ciyaarayso Wolves maanta oo sabti ah kana tirsan premier League.
Alisson ayaa seegay kulankii ay 3-0 kaga badiyeen Bournemouth iyo 5-1 Carabao Cup ay kaga badiyeen West Ham Arbacadii ka dib dhaawac yar oo muruqa ah laakiin tababare Arne Slot ayaa xaqiijiyay Jimcihii in ciyaaryahanka reer Brazil uu diyaar u yahay inuu soo laabto.
Darwin Nunez ayaa sidoo kale laga yaabaa inuu booskiisa line-upka sii haysto, isagoo dhaliyay goolkiisii ugu horeysay ee xilli ciyaareedka kulankii ay 3-0 kaga badiyeen Bournemouth ciyaartii ugu danbeysay ee Reds ee Premier League.
Si kastaba ha ahaatee, waxa uu tartan kala kulmayaa Diogo Jota iyo Cody Gakpo, kuwaas oo labadoodaba dhaliyay Arbacadii.
Meel kale, waxay u badan tahay inay noqoto isla kooxdii ku soo bilaabatay afartii kulan ee ugu dambeysay Premier League, iyadoo Slot uu u muuqdo inuu sii wado bilowgiisa wanaagsan ee nolosha England.
Halkan Kaga Bogo Shaxda Suurtagalka ah:
Alisson; Alexander-Arnold, Konate, van Dijk, Robertson; Gravenberch, Mac Allister; Diaz, Szoboszlai, Salah; Nunez.
