Manchester United ayaa isha ku heysa inay dalab 100 milyan euro ah ka gudbiso weeraryahanka Super Eagles Ademola Lookman, sida laga soo xigtay majaladda Isbaanishka ee Fichajes.
Lookman waa mid ka mid ah ciyaartoyda loogu doonista badan yahay dhamaan horyaalada Yurub marka uu furmo suuqa kala iibsiga ciyaartooyda.
Qiimihiisa ayaa si aad ah kor ugu kacay, ka dib markii uu Nigeria ku hogaamiyay finalka AFCON 2023, isagoo Atalanta sidookle gaarsiiyay finalka Coppa Italia.
Lookman ayaa sidoo kale dhaliyay seddexley cajiib ah markii kooxda Serie A ay ku guuleysatay UEFA Europa League xili ciyaareedkii hore.
Paris Saint-Germain ayaa xagaagii lala xiriirinayay Lookman, laakiin ma jiro wax la taaban karo oo ay ka sameysay xiisihiisa.
Toddobaadyadii la soo dhaafay, waxaa jiray xiiso weyn oo kaga yimid kooxda ka ciyaarta Premier League ee Arsenal.
