Andres Iniesta, oo dhaliyay goolkii ugu muhiimsanaa taariikhda Spain, ayaa go’aansaday inuu kabihiisa siibo, waxaana uu ku dhawaaqi doonaa 8 October.
Talaadada 8 October, Andres Iniesta ayaa ku dhawaaqi doona inuu ka tagayo kubada cagta isagoo loo sameyn doono xaflad lagu maamuusayo lambarkiisa 8 oo uu dhabarka ku qaatay waayihiisa oo dhan.
Ciyaaryahanka khadka dhexe ayaa mar hore qaatay go’aankan.
Jagatooraha ayaa lagu xasuusan doona goolkii koobka adduunka, goolkii taariikhda geliyay xulka qaranka Spain.
Waayihiisa wuxuu ciyaaray
- 1016 Kulan
- 107 gool ayuu dhaliyay
- 191 gool ayuu caawiyay
Wuxuu ku guuleystay
- 9 La Liga
- 6 Copa del Rey
- 3 Club World Cup7 Supercopa de España
- 4 Champions League
- 3 UEFA Super Cup
- 1 World Cup
- 2 EURO.
Labaatan iyo saddex xilli ciyaareed ka dib markii uu u saftay kooxda koowaad ee Barcelona 2002-dii, halyeyga ayaa kabihiisa tiirinaya.
Andres Iniesta ayaa go’aansaday inuu lambarkiisa ‘8’ uu siibo uuna geliyo sanduuqa xasuus ahaan.
