Xiddiga Garabka uga ciyaara kooxda Newcastle iyo xulka qaranka England Anthony Gordon ayaa meesha ka saaray wararka la xiriirinaya kooxda Liverpool ka hor suuqa kala iibsiga ee soo socda.
Gordon ayaa qaab ciyaareed cajiib ah soo bandhigay tan iyo markii uu Newcastle kaga soo biiray Everton bishii January 2023.
Bandhigyada noocaan ah ayaa keenay in kooxo badan oo ay ku jiraan Arsenal iyo Liverpool lala xiriiriyo xiddiga garabka ka ciyaara inkasta oo uu saxiixay heshiis cusub oo wakhti dheer ah bishii October ee sanadkan.
“Waxaan ahay kaliya 23 jir,” Gordon ayaa u sheegay Sky Sports.
“Waxa kaliya ee aan maqlay, sida, waa ‘Marka uu baxayo?’ Yaa yidhi waligay waan bixi doonaa?
“Aad iyo aad ayaan ugu faraxsanahay halkan, waan jeclahay meeshan, waxaan jeclahay in aan halkan ku ciyaaro kubbadda cagta”.
