Weeraryahanka Ajax Antony ayaa ka maqnaa tababarkii ugu horeeyay ee kooxda Amsterdam ee isku diyaarinta xilli ciyaareedka jimcihii iyadoo lala xiriirinayo inuu u wareegayo Manchester United .
22 jirkaan ayaa u soo muuqday mid ka mid ah weeraryahanadii muhiimka ahaa ee Erik ten Hag intii lagu jiray xilli ciyaareedkii 2021-22, waxaana la saadaaliyay inuu dib ula midoobi doono xiddiga reer Holland garoonka Old Trafford.
Alfred Schreuder ayaa la wareegay Ajax ka dib markii uu u wareegay Ten Hag Manchester, 49 jirkaan ayaa xaqiijiyay inuu aad u doonayo inuu sii haysto adeega Antony.
“Waxaan dooneynaa inaan Antony ku sii heyno Ajax, wuxuu heystaa qandaraas ilaa 2025, waxaan rabaa inaan la shaqeeyo, kooxduna waa ay ogtahay,” Schreuder ayaa u sheegay ESPN mar wax laga weydiiyay mustaqbalka Brazilian-ka.
Si kastaba ha ahaatee, shaki ayaa ku jira mustaqbalka Antony kadib markii da’yarkii hore ee Sao Paulo uusan soo xaadirin tababarka xilli ciyaareedka isku diyaarinta jimcihii.
