Tababaraha Kooxda Liverpool ee Arne Slot ayaa ka hadlay guushii ay kooxdiisu ka gaadhay West Ham.
Liverpool ayaa guul 5/0 ah ka gaadhay West Ham kulan ka tirsanaa todobaadkii 19-aad ee premier League.
“Waxaan dhalinay goolal badan, laakiin sidoo kale waxaan abuurnay fursado badan,” tababaraha ayaa yiri
“Waxay ahayd 3-0 qeybtii hore laakiin waxa aan dhalin karnay 3 gool oo kale”.
Waxa uu intaa ku daray: “Dhanka kale, way fiicnayd in aanay dhalin dhammaan fursadihii ay heleen, waayo waxay heleen laba ama saddex fursadood oo mid ka mid ah uu birta ku dhacday”.
“Ugu dambayntii uma aanan baahnayn in aan shabaqeena ilaashano Laakiin mar walba waxa ay u fiicantahay Kalsoonida difaaceena”.
