Tababaraha Liverpool Arne Slot ayaa muujiyay sida uu ugu qanacsan yahay natiijada kulankii ay barbaraha 2-2 ah la galeen Fulham kulan ka tirsanaa premier League.
Labada gool ee ay Liverpool ka dhalisay Cody Gakpo iyo Diogo Jota, halka Fulham ay goolasha u kala dhaliyeen Andreas Pereira iyo Rodrigo Muniz.
Liverpool ayaa wax ka badan 70 daqiiqo ciyaarta ku qaatay 10 xiddig kadib markii kaadhka cas loo taagay xiddiga Andy Robertson.
“Uma maleynayo inaan awooday inaan wax badan ka weydiiyo ciyaartoydeyda, gaar ahaan ka dib markii aan bilownay inaan la ciyaarno toban ciyaaryahan,” ayuu yiri Slott.
“Wax intaas ka badan ma waydiin karin ciyaartoyada marka laga hadlyo qaab ciyaareedka ama natiijada”.
