Kooxda Arsenal ayaa lagu soo waramayaa in ay dib u soo celisay xiisihii ay u qabtay saxiixa Arthur Melo kaas oo ay kala soo wareegayaan kooxda Juventus
Arthur ayaa ku dhibtoonayay inuu ciyaaro tan iyo markii uu ku soo biiray kooxda reer Talyaani 2020, iyadoo ciyaaryahanka khadka dhexe uu ku soo bilowday kaliya 24 kulan oo horyaalka ah labadii xilli ciyaareed ee ugu danbeysay.
Inkastoo uu seddex sano uga haray qandaraaskiisa haatan, Arthur ayaa si joogta ah loola xiriirinayay inuu ka tagayo Turin.
Arsenal ayaa lagu soo waramayaa inay ka fikirtay inay u dhaqaaqdo xiddiga reer Brazil bishii Janaayo, laakiin wareejintaasi ayaanan dhicin.
Si kastaba ha ahaatee, sida laga soo xigtay Football London , Gunners ayaa qarka u saaran inay dib u soo nooleeyaan xiisahooda Arthur si ay awood ugu kordhiyaan khadkooda dhexe ka hor xilli ciyaareedka cusub ee Premier League.
