Kooxda Arsenal ayaa doonaysa in ay wadadii Martin Odegaard u marto xiddiga u ciyaara kooxda Real Madrid inta lagu jiro suuqa kala iibsiga xagaaga.
bilawgii 2021, Gunners ayaa Odegaard siisay waddo uu kaga baxo waayihii niyad jabka ahaa ee Los Blancos isaga oo ku biiray kooxda sanadkii 2015.
Inkastoo Odegaard uu rajo ka qabay inuu noqdo xiddig Real Madrid ah markii uu yaraa xiddiga reer Norway ayaa si joogto ah amaah uga tagay kooxda kadib markii uu ku fashilmay in uu joogto ugu ciyaaro.
Taas ayaa keentay in Arsenal amaah ugu dhaqaaqdo saxiixa xiddiga Odegaard qaybtii dambe ee xilli ciyaareedkii 2020/2021 iyada oo xiddigu soo bandhigay qaab ciyaareed cajiib ah.
Xiddiga 25 jirka ah ayaa haatan kabtan ka ah Arsenal waxana uu ka mid yahay xiddigaha ugu fiican khadka dhexe.
Haatan Arsenal ayaa doonaysa in ay xiddiga Arda Guler u marto wadadii Odegaard iyaga oo doonaya in ay qaab amaah ah ugu ciyaaraan xiddiga qaybta dambe ee xilli ciyaareedka.
