Kooxda Arsenal ayaa guul ay ku raaxaystay ka gaadhay kooxda Nottingham Forest kulan ka tirsanaa horyaalka premier League.

Kulanka ayaa ahaa mid ay Arsenal si weyn ugu awood sheegatay kooxda martida u ahayd kulan ka tirsanaa horyaalka premier League.

Daqiiqadii 15-aad ayay Arsenal dhalisay goolka 1-aad waxana u dhaliyay xiddiga Bukayo Saka kaas oo ciyaarta hogaankeeda u dhiibay Arsenal.

Waxa sidaas ku dhamaatay qaybta hore ee ciyaarta iyada oo Arsenal ahayd kooxda fiican dhinac walba oo ciyaarta ah.

Qaybtii dambe ayay Gunners si dar-dar leh ku bilaabatay iyaga oo raadinayay in ay dhaliyaan goolal ay ciyaarta ku dilaan.

Daqiiqadii 52-aad ayay Arsenal dhalisay waxana gool qurux badan u dhaliyay xiddiga Thomas Partey kaas oo ciyaarta ka dhigay 2/0.

Kooxda Arsenal ayaa daqiiqadii 86-aad dhalisay goolka 3-aad ee ciyaarta waxana u dhaliyay xiddiga Ethan Nwaneri kaas oo ciyaarta ka dhigay 3/0.

Waxa sidaas ku dhamaatay ciyaarta oo ay Arsenal ka baxday natiijooyinkii xumaa ee ay ku jirtay wakhtigii ugu dambeeyay.