Arsenal ayaa lagu soo waramayaa inay diyaar u tahay inay Takehiro Tomiyasu u isticmaasho heshiis is dhaafsi ah oo ay kula soo saxiixaneyso Denzel Dumfries oo ka tirsan Inter Milan .

Dumfries ayaa door muhiim ah ka ciyaaray guushii ay Netherlands ka gaadhay USA wareega 16-ka ee koobka adduunka isaga oo dhaliyay hal gool sidoo kale caawiye ka ahaa 2 gool oo xulkiisa ka caawiyay in ay 3/0 ku badiyaan.

Qaab ciyaareedkiisa Inter iyo Netherlands ayaa soo jiitay indhaha kooxo dhowr ah oo ay ku jiraan Arsenal, Chelsea iyo Tottenham Hotspur .

Sida laga soo xigtay Football London , Arsenal ayaa laga yaabaa inay Tomiyasu u soo bandhigto heshiis kasta oo ay la gasho Inter iyadoo Gunners ay isku dayeyso inay ku garaacdo saxiixa Dumfries.

Arsenal ayaa la rumeysan yahay inay diyaar u tahay inay la kulanto qiimaha ay Inter ku dooneyso 40 milyan oo euro oo u dhiganta (£34.5m) isla markaana ay dhanka kale u dirto Tomiyasu.

Ciyaaryahanka heerka caalami ee dalka Japan ayaa caawiye ka ahaa 2 gool 39 kulan oo uu u saftay Gunners tan iyo markii uu kooxda ku soo biiray bishii Ogosto 2021 isagoo kaga soo biiray Bologna, halka Dumfries uu u diiwaan gashan yahay todobo gool iyo 10 caawin 65 kulan oo uu u saftay Inter.

Wararka Ciyaaraha