BARCELONA ayaa lagu soo waramayaa inay qorsheyneyso inay si xor ah kula soo wareegto ciyaaryahanka khadka dhexe ee Leicester City Youri Tielemans.
Laacibka heerka caalami ee dalka Belgian, oo 25 jir ah, ayaa sagaal bilood oo kaliya uga hartay qandaraaskiisa, waxaana uu u muuqdaa mid aan u badneyn inuu qalinka ku duugo heshiis kordhin ka dib markii uu horay u diiday dalabyo.
Waxa uu xor u noqon doonaa in uu la xaajoodo oo uu heshiis hordhac ah la galo kooxo kasta oo ka baxsan England laga bilaabo Janaayo 1.
Waxaa lala xiriirinayay kooxo badan xagaagii hore iyadoo labada kooxood ee United iyo Arsenal ay isha ku hayeen.
Si kastaba ha ahaatee, hadda daabacaadda Isbaanishka ee Sport ayaa sheegtay in Barcelona ay isha ku heyso xagaaga soo aadan.
