Kooxda Barcelona ayaa garaacday Kooxda Espanyol kulan ka tirsanaa horyaalka La Liga iyaga sii dheeraystay hogaanka horyaalka.

Kooxda Flick ayaa si dar-dar leh ku bilaabatay ciyaarta iyaga oo ka awood badnaa kooxda Martida u ahayd.

Daqiiqadii 12-aad ayay Barcelona dhalisay goolka 1-aad waxana u dhaliyay xiddiga Dani Olmo kaas oo ciyaarta ka dhigay 1/o.

Barcelona ayaan halkaas ku joogsan waxana ay sii wadeen dadaalka iyo in ay u awood sheegtaan kooxda Espanyol.

Daqiiqadii 23-aad ayay kooxda Barcelona dhalisay goolka 2-aad waxana u dhaliyay xiddiga la joojin laayahay ee Raphinha kaas oo ciyaarta ka dhigay 2/0.

Ka hor intii ayna dhamaan qaybta hore ee ciyaarta ayuu xiddiga Dani Olmo dhaliyay goolka 3-aad ee kooxdiisa iyo waliba goolkiisii 2-aad ee shaqsiga ahaa ee ciyaarta.

Qaybta dambe ayaa ahayd mid ay Barcelona kaliya ciyaarta maamulaysay iyada oo Espanyol u diiday in ay ciyaarta ku soo laabato.

Daqiiqadii 63-aad ayay Espanyol dhalisay goolka 1-aad waxana u dhaliyay xiddiga Javi Paudo kaas oo ciyaarta ka dhigay 3/1.

Waxa sidaas ku dhamaatay ciyaarta oo ay Barcelona ku sii dheeraystay hogaanka horyaalka La Liga.