Barcelona ayaa ka fiirsaneysa inay €42m (£35m) kula soo wareegto daafaca Villarreal ee Juan Foyth.
Ka dib markii uu waayay bartilmaameedka koowaad ee Cesar Azpilicueta , maamulaha Xavi ayaa wali doonaya inuu la soo saxiixdo daafac midig ka hor inta uusan xirmin suuqa kala iibsiga.
Kooxda reer Catalan ayaa la rumeysan yahay inay dooneyso inay ku iibiso Sergino Dest ku dhawaad 17 milyan ginni xagaagan, iyadoo Manchester United iyo Chelsea la sheegay inay xiiseynayaan xiddiga heerka caalami ee dalka Mareykanka.
Sergi Roberto ayaa ah dooqa kale ee daafaca midig ee Xavi, halka daafaca dhexe ee Ronald Araujo uu ku soo bilowday dhanka midig ee afarta daafac kulankii furitaanka ee Barca ee xilli ciyaareedka cusub ee ay la ciyaareen Rayo Vallecano isbuucii hore.
Iyadoo ku dhawaad labo todobaad uu ka harsan yahay suuqa kala iibsiga ciyaartoyda, Mundo Deportivo ayaa sheegtay in Barca ay u aqoonsatay 24-jirka Foyth inuu yahay bartilmaameed macquul ah.
