Barcelona oo qiimeeneysa dalabyada Antonio Rudiger iyo Fabian Schar

Photo@Reuters

Barcelona ayaa lagu soo waramayaa inay ka fiirsaneyso inay dalab u dirto Antonio Rudiger iyo Fabian Schar .

Xili ay Barcelona la tacaaleyso arrimo dhaqaale oo muhiim ah, Ronald Koeman ayay tahay inuu sameeyo badalka daafaca dhexe oo muhiimka ah kaasi oo gali kara booska Gerard Pique .

Dhaawaca muddada dheer ah ee xiddiga reer Spain ayaa la filayaa inuu u horseedo kooxda reer Catalan inay keensato dookh cusub inta lagu guda jiro suuqa kala iibsiga bisha Janaayo.

Sida laga soo xigtay The Athletic , Rudiger iyo Schar, oo ka kala tirsan Chelsea iyo Newcastle United ayaa loogu daray liiska Barcelona sida ay u kala horeeyaan.

Midkoodna looma tixgeliyo inuu yahay dookha koowaad ee kooxdooda haatan, taasoo fursad u siineysa ku biiristooda kooxda Barcelona.

Warbixinta ayaa intaa ku dareysa in Manchester City aysan diyaar u aheyn inay iska iibiso Eric Garcia , oo bartilmaameed waqti dheer ah u ah kooxda ka ciyaarta La Liga.

Wararka Ciyaaraha

Be the first to comment

Leave a Reply

Your email address will not be published.


*