Kooxda Bayern Munich ayaa lagu soo waramayaa in ay xiriir la samaysay wakiilka Frenkie de Jong si ay ugala hadlaan suurtogalnimada uu ugu dhaqaaqi karo Allianz Arena.
24-sano jirkaan ayaa mar kale ahaa ciyaaryahan muhiim u ah kooxda Catalan xilli ciyaareedkan, isagoo saftay 25 kulan tartamada oo dhan, isagoo ka qeyb qaatay hal gool iyo labo caawin.
Barcelona ayaa la sheegay in ay isku diyaarinayso in ay iska iibiso xiddiga heerka caalami ee dalka Netherlands sanadkan, inkastoo kooxda reer Catalan ay dooneyso inay iska yareyso dhibaatooyinka dhaqaale.
De Jong ayaa lala xiriirinayay inuu u dhaqaaqayo Premier League, iyadoo Chelsea , Manchester United iyo Manchester City ay dhamaantood xiiseynayeen.
Si kastaba ha ahaatee, sida laga soo xigtay Marca , Bayern ayaa haatan hogaamineysa xiisaha xiddiga reer Holland, iyadoo kooxda reer Jarmal ay xiriir la sameysay wakiilkiisa.
Warbixinta ayaa sheegeysa in kooxda heysata horyaalka Bundesliga ay dooneyso De Jong inuu yimaado Allianz Arena bishaan halkii ay sugi lahaayeen ilaa dhamaadka ololaha.
Ciyaaryahanka khadka dhexe, oo qandaraas kula jira Camp Nou ilaa June 2026, ayaa u saftay Barcelona 118 kulan tan iyo markii uu ka yimid Ajax bishii Luulyo 2019.
