Weeraryahanka Arsenal Bukayo Saka ayaa ku adkeystay inuu si xoogan u soo laaban doono ka dib markii uu maray qaliin lagu guuleystay oo ka soo gaaray muruqa.
23-sano jirkaan ayaa wajahaya ku dhawaad labo bilood oo uu garoomada ka maqnaan doono sabab la xidhiidha dhaawac soo gaadhay kulankii Crystal Palace.
Mikel Arteta ayaa si dhakhso ah u qirtay in Saka uu maqnaan doono “toddobaadyo badan ka dib markii uu ka dhaawacmay muruqa.
Saka ayaa maray qaliin lagu guulaystay waxana haatan u bilaaban doona ka soo kabsashada dhaawaca soo gaadhay.
“Inta badan waxay arkaan caqabado, laakiin in yar ayaa arka fursadaha,” Saka ayaa qoray.
“Soo kabashada ayaa bilaabatay waxaana soo laabanayaa aniga oo ka xoogan sida haatan, Dhamaantiin waad ku mahadsantihiin fariimaha”.
