Tababaraha Kooxda Real Madrid Carlo Ancelotti ayaa ka hadlay guuldaradii kooxdiisa ka soo gaadhay Liverpool kulan ka tirsanaa champions League.
Real Madrid ayaa guuldaro 2/0 ah kala kulantay kooxda Liverpool kulan ka dhacay Anfield kana tirsanaa champions League.
Ancelotti oo arintaas ka hadlaya ayaa yidhi”Waxay ahayd natiijo cadaalad ah,waxa ay noo ahayd kulan adag,waxa aanu ogayn in ay xaalad fiican ku jireen”
“waxa aan filayaa in aanu si fiican u tartamaynay,natiijadu wax badan iskama badalin,sababtoo ah xataa hadii aad guul gaadho way adkaan doontaa in la damaanad qaado in aad ku dhamaysato 8-da kooxood ee ugu sareeya”.
Waxa uu intaa ku daray: “Waxaan ku soo laabanay inaan u ciyaarno qaabka aan dooneyno, laakiin liiska dhaawacyada waa arrin kale, Mbappe si wanaagsan ayuu u dagaalamay caawa, wuxuu heystay taageerada qof walba (ka dib markii uu rigoorada ka qasaariyay), ciyaaryahanku wuu yara niyad jabay, laakiin waa inuu filo.”
