Real Madrid iyo Palmeiras ayaa ku dhow inay dhamaystiraan heshiis ku saabsan da’yarka qaaliga ah ee Endrick, ilo wareedyo ayaa u xaqiijiyay 90min .
16-sano jirkaan ayaa loo arkaa mid ka mid ah rajada ugu wanagsan ee abid ka soo baxda Brazil, Real ayaana ku raad joogtay tan iyo markii uu yaraa.
90min ayaa shaaca ka qaaday bishii hore in heshiis lagu iibinayo Endrick uu qarka u saarnaa in Palmeiras ay ogolaato ka hor dhamaadka sanadka , oo hadda ku dhow yahay in la soo gabagabeeyo.
Ilo wareedyo ayaa ku adkeystay 90min lixdii bilood ee la soo dhaafay in Real ay hogaamineysay baacsiga Endrick iyadoo madaxa kooxaha Isbaanishka Juni Calafat uu doonayay inuu dhaqaaqo, isagoo ku dhawaaday ciyaaryahanka iyo qoyskiisa.
Calafat ayaa sidoo kale door weyn ka qaatay helista tayada sida Vinicius Junior, Rodrygo iyo Federico Valverde sanadihii ugu dambeeyay laakiin kooxda ayaa aaminsan in Endrick uu noqon karo kan ugu fiican dhamaantood.