Chelsea oo guul ka gaartay wadahadalada qandaraas kordhinta ee Antonio Rudiger

Antonio Rudiger ayaa lagu soo waramayaa inuu haatan doonayo inuu sii joogo Chelsea , iyadoo Blues ay horumar ka sameysay wadahadalada qandaraaska ee ay kula jirtay xiddiga heerka caalami ee dalka Jarmalka.

Qandaraaska daafaca dhexe ee Stamford Bridge ayaa dhacaya dhamaadka bisha June, Real Madrid , Manchester United iyo Paris Saint-Germain ayaa ka mid ah kooxaha lala xiriirinayo adeegiisa beeca xorta ah.

Rudiger ayaa la aaminsanaa in uu xagaagan doonayay in uu isaga tago kooxda chelsea si uu u raadiyo heshiis lacag badan ah laakiin sida laga soo xigtay wariyaha Bild Christian Falk xiddiga reer Germany ayaa haatan doonaya in uu la sii joogo kooxda haysata koobabka yurub.

Falk ayaa ku andacoonaya in labada dhinac ay hadda yeelanayaan wadahadallo wanaagsan, iyadoo Rudiger uu ka xumaaday dalabkii hore ee miiska la soo dhigay.

28-sano jirkaan ayaa qaab ciyaareed xoogan ku qaadanaya kooxda Chelsea intii lagu jiray xilli ciyaareedka 2021-22, isagoo u saftay 27 kulan tartamada oo dhan, isagoo ka qeyb qaatay labo gool iyo afar caawin.

Guud ahaan, Rudiger ayaa kasoo muuqday Blues 176 jeer tan iyo markii uu ka soo dhaqaaqay Roma 2017, wuxuuna ahaa ciyaaryahan muhiim u ah kooxda tan iyo imaatinka Thomas Tuchel.

Ciyaaro.com Riix Halkan Ku Laabo Qeybta Hore

Be the first to comment

Leave a Reply

Your email address will not be published.


*