Chelsea oo kula dagaalami doonta Real Madrid saxiixa Florian Wirtz

Chelsea ayaa lagu soo waramayaa inay isku diyaarinayso inay kula tartanto Real Madrid tartanka loogu jiro ciyaaryahanka khadka dhexe ee Bayer Leverkusen Florian Wirtz .

Laacibka reer Jarmal ayaa soo jiitay kooxo badan waxaana uga mahad celinayaa qaab ciyaareedkiisa Die Werkself xili ciyaareed kaan, waxaana lala xiriirinayay inuu u dhaqaaqayo kooxda reer Spain ee Real Madrid xagaaga soo aadan.

Sida laga soo xigtay El Nacional , Blues ayaa hadda soo gashay dagaalka, iyadoo horay u soo qaadatay weeraryahanada Kai Havertz iyo Timo Werner xagaagii 2020-ka .

Wirtz ayaa u saftay 14 jeer kooxda Jarmalka ee ciyaaraha gudaha iyo kuwa qaaradaha ilaa iyo haatan xilli ciyaareedkan, isagoo dhaliyay todobo gool islamarkaana caawiyay todobo gool si uu u qaato rikoorkiisa 16 gool iyo 15 caawin 61 kulan oo uu u saftay Die Werkself.

Ciyaaryahanka khadka dhexe ayaa sidoo kale durbaba afar kulan u saftay xulka qaranka Jarmalka, isagoo labo caawin ku sameeyay 76 daqiiqo oo kaliya.

Fadlan Tuko Salaada Hadii la Gaaray Waqtigeeda

Be the first to comment

Leave a Reply

Your email address will not be published.


*