Ciyaaryahanka khadka dhexe ee England Conor Gallagher ayaa kulankiisii ugu horeyay u saftay Atletico Madrid ciyaar raaxo leh oo ay 3-0 kaga badiyeen Girona kulan ka tirsanaa horyaalka La Liga.
Gallagher ayaa Arbacadii kaga soo biiray Chelsea heshiis ku kacaya 33 milyan oo ginni, waxaana uu bedel ku soo galay qeybtii labaad ee ciyaarta.
Markii layskugu soo laabtay qaybtii danbe ee ciyaarta ayay kooxdiisu hogaanka ciyaarta ku haysay 2-0, iyadoo Antoine Griezmann uu qaybtii hore ee kulankan uu ku daah furay laad xor ah ka hor inta aanu Marcos Llorente gool cajiib ah u dhalin qaybtii danbe ee ciyaarta.
Koke ayaa soo gabagabeeyay guusha daqiiqadii 4-aad ee waqtigii dheeriga ahaa ee lagu daray ciyaarta kadib baas uu ka helay Llorente.
Imaatinka Gallagher waxaa horraantii isbuucan soo jiitay kumanaan taageereyaal Atletico ah oo ka soo qeyb galay bandhiggiisa.
Doorkiisa ayaa ahaa mid ugu horeyn la aamusay marka loo eego xaalada ciyaarta, lakiin waxa uu si fiican u garab istaagay inta kale ee khadka dhexe ee Atletico, waxaana uu isku xiray ciyaarta si ay kooxdiisu isku daydo inay ka dhex shaqeyso Girona.
Gallagher ayaa laga yaabaa in lagu soo bilaabo kulankiisa ugu horeeya ee kooxdiisa cusub marka ay Arbacada la ciyaarayaan Espanyol.
