Chelsea ayaa lagu soo waramayaa inay go’aansatay inay sii qiimeyso dhaawaca jilibka ah ee kasoo gaaray Cole Palmer kulankii Axadii ee Manchester United.

Labada kooxood ayaa ku kala baxay bar-baro 1/1 ah kulan ka tirsanaa horyaalka premier league kana dhacay Old Trafford.

Kadib markii uu isku dayay in uu kubbada ka dul qaado Lisandro Martinez, Palmer ayuu dhaawac ka soo gaadhay jilibka.

Tababaraha kooxda Chelsea Enzo Maresca ayaan qarsan caradiisa ciyaarta ka dib, isagoo daaha ka qaaday qilaafkii uu kala dhaxeeyay mas’uuliyiinta ee ku saabsan dhacdada.

Isaga la hadlaya Independent: “Waan ogahay in wax la iga weydiin doono go’aanka garsooraha, waxaana filayaa inay caddahay dhammaanteen, laakiin garsooraha ayaa u jooga inuu go’aan gaadho, waxa uu qaatay go’aan ka duwan kan garsooraha”.

Sida laga soo xigtay The Telegraph, Palmer waxa uu mari doonaa baadhitaan si loo ogaado in uu soo gaadhay dhaawac weyn iyo in kale”.