Weeraryahanka Chelsea Cole Palmer ayaa ku jees jeesay hadal haynta sheegaysa in ay kooxdiisu ku jirto tartanka horyaalka Premier League.

Kooxda chelsea ayaa ku jira kaalinta 3-aad ee kala saraynta premier League iyaga oo la dhibco ah Arsenal isla markaas 9 dhibcood ka dambeeya hogaamiyayaasha horyaalka ee Liverpool.

Chelsea ayaa ku jirta qaab ciyaareed fiican iyaga oo badiyay kulamo muhiim ah wakhtigii ugu dambeeyay.

Taas ayaa keentay in ay dad badan aaminsanaan soona jeediyaan in ay Chelsea ku jirto tartanka premier League xilli ciyaareedka.

Si kasta ha ahaatee Cole Palmer ayaa meesha ka saaray soo jeedintaas isla markaas sheegay in ay chelsea u tartamayso 4-ta boos ee ugu saraysa horyaalka.

“Haddii aan sii wadno guuleysiga markaas waxaan ku dhowaan doonnaa afarta kooxood ee ugu sareeya”ayuu yidhi.

“Laakiin Man City, Arsenal iyo Liverpool waxa ay wada ciyaarayeen muddo 5 sano iyo ka badan halka aanu kaliya wada joognay al xilli ciyaareed waxa aan doonaynaa kaliya in aan badino ciyaaraha”.