Cole Palmer ayaa isku dayi doona inuu ku daydo wacdarihii ugu dambeeyay ee uu sameeyay xiddiga Liverpool Mohamed Salah marka ay chelsea la ciyaarayso kooxda Brentford fiidnimada Axada.
Blues ayaa rajaynaysa in ay difaacdo booskeeda labaad ee kala saraynta horyaalka Premier League iyaga oo ka sare maray deriskooda West London.
Kooxda Thomas Frank ayaa heysata rikoorka weerarka ee ugu wanagsan qeybta labaad iyagoo dhaliyay 31 gool, taasoo afar ka yar wadarta guud ee kooxda martida loo yahay.
Palmer ayaa horay u diiwaan galiyay goolal iyo caawinaad ka badan hal sano gudaheed kulamada Premier League in ka badan ciyaaryahan kasta oo Chelsea ah taariikhda, isagoo dhawaan dhaafay Jimmy Floyd Hasselbaink.
Wadar ahaan 25 gool iyo 13 caawin ayuu sameeyay sanadka 2024 isaga oo ku sii dhawaanaya in uu noqdo xiddiga gaadha 40 gool sanadka 20024.
Xiddigii ugu dambeeyay ee sidan sameeyay waxa uu ahaa Salah oo sidaas sameeyay 2018 markaas oo uu dhaliyay 28 gool halka uu caawiye noqday 12 kale sanad gudihiis.
