Cristiano Ronaldo waxa uu leeyahay ‘hamilo iyo niyad-sami’ si uu mar kale ugu soo laabto Manchester United, sida uu sheegay saaxiibkiisii hore ee Louis Saha.
Saha iyo Ronaldo ayaa ka soo wada hoos ciyaaray halyeygii Man United Sir Alex Ferguson waxana uu xiddiga reer France u saadaaliyay 39 jirkan door maamul.
Ronaldo ayaa weli ah ciyaaryahan firfircoon oo ka tirsan kooxda Saudi Pro League ee Al Nassr, inkastoo marka la eego da’diisa, waxaa hubaal ah inuu ku dhow yahay dhamaadka oo uu ka fekerayo tallaabooyinka xiga.
Haddii Ronaldo uu waligiis tababare ka noqdo Old Trafford – ama xitaa caawiye tababare waxay noqon doontaa markii saddexaad ee uu kooxda ku soo laabto kadib markii uu laba jeer oo hore ku soo laabtay.
“Cristiano Ronaldo waxa uu leeyahay hami iyo dadaal uu ku soo laabanayo Manchester United maalin,” Saha ayaa u sheegay TVSporten.
“Taasi waxay noqon kartaa tababare ahaan ama xitaa caawiye tababare, wakhtigiisii labaad kuma dhamaan sidii cid walba doonaysay waxana aad arkaysaa in uu ka niyad jabay”.
