Dani Olmo ayaa dhaliyay goolkii ugu horeeyay ee guusha saacado ka dib markii ugu dambeyntii loo diiwaan geliyay Barcelona iyadoo kooxda Hansi Flick ay gadaal ka soo laabatay si ay u sii wadato guusha ay ku bilaabatay horyaalka La Liga.
Olmo waxa uu Barca uga soo biiray RB Leipzig adduun dhan €60 Milyan oo euro horaantii bishaan laakiin ma ciyaari karin sababtoo ah sharciga dhaqaale ee adag ee horyaalka Spain.
Laakiin ka dib markii Ilkay Gundogan uu dib ugu laabtay Manchester City, iyo daafaca Clement Lenglet oo u dhaqaaqay Atletico Madrid, 26 jirkaan ayaa awooday inuu ka soo muuqdo kulankii Rayo Vallecano.
Kubadsameeyaha ayaa helay guusha xilli dambe, isagoo lugta bidix ku laaday ka dib caawin fiican oo uu ka helay geesigii Spain Euro 2024 ee Lamine Yamal.
Barca ayaa hogaanka u heysa La Liga ka dib markii ay ciyaareen seddex kulan, waana kooxda kaliya ee weli heysata rikoor 100% ah.
Unai Lopez ayaa hogaanka u dhiibay kooxda martida loo ahaa ilaa markii dambe uu barbareeyay Pedri.
Olmo, oo Barcelona ku sugnaa isaga aad u yara, balse isaga oo 16 jir ah u dhaqaaqay Dinamo Zagreb, wuxuu haatan nasiib u yeeshay inuu matalo kooxda weyn.
