Declan Rice, Gabriel Martinelli iyo Kai Havertz ayaa dhamaantood ku soo laaban kara kooxda Arsenal kulanka ay u safrayaan Sporting Lisbon kulan ka tirsan champions League.
3-da xiddig ayaa kaydka ku bilowday kulankii Nottingham Forest sabtidii laakiin ma soo galin ciyaarta.
Kooxda Mikel Arteta ayaa doonaysa in ay ku soo laabato guulaha kadib guuldaradii ka soo gaadhay Inter Milan kulankii hore.
Arsenal ayaa haatan ku jirta kaalinta 12-aad ee tartanka waxana ay u baahtahay in ay ku dhamaystaan 8-da boos ee ugu sareeya hadii ay doonayaan in ay u soo baxaan wareega xiga.
Xiddigaha Ben White iyo Takehiro Tomiyasu ayaa seegi doona kulanka sabab la xidhiidha dhaawacyo soo gaadhay xiddigaha.
Shaxda laga yaabo in ay Arsenal ku ciyaari karto kulanka:
Raya; Timber, Saliba, Gabriel, Calafiori; Odegaard, Rice, Merino; Saka, Havertz, Martinelli
