Diego Armando Maradona oo loogu magacdaray mid kamid ah Garoomada ugu weyn Yurub

Napoli ayaa si rasmi ah magaca uga bedeshay garoonkeeda caanka ahaa ee San Paolo iyagoo u bixiyay Stadio Diego Armando Maradona iyagoo ku sharafaya xiddigoodii ugu fiicnaa abid.

Halyeeyga Argentina ayaa geeriyooday isagoo 60 sanno jir ah 25kii bishii hore taasoo sababtay inay u baroordiiqaan dunida kubada cagta.

Kooxda si weyn uga murugootay geeridiisa waa Napoli oo uu ku hogaamiyay labo koob oo Serie A ah, UEFA Cup iyo Coppa Italia todoba sannadood uu joogay kooxda.

Madaxweynaha kooxda Aurelio De Laurentiis ayaa qirtay dhawaan inuu isku dayay inuu magaca garoonka u bixiyo Maradona 17kii sannadood ee ugu danbeysay.

Wuxuu u sheegay Sky Italia: “Waxaan wadahadal kula jiray maamulka dowlada hoose 17kii sannadood ee ugu danbeysay, waxaan mar walba weydiisanayay inaan iibsado garoonka oo aan u bixiyo Diego Armando Maradona.”

“Waa mid lagu aqoosanayo Maradona, xitaa haddii aan nasano garoon cusub, waxaan u bixin doonaa magaciisa.”

Wadar ahaan Maradona wuxuu u ciyaaray kooxda Talyaaniga 259 jeer isagoo u dhaliyay 115 gool, waxaana uu ahaa kabtanka kooxda.

Kumanaan ka murugoonaya geerida Maradona ayaa isagu soo baxay magaalada Napoli haveenkii uu geeriyooday geesigooda.

Wararka Ciyaaraha

Be the first to comment

Leave a Reply

Your email address will not be published.


*