Daafaca Manchester United, Diogo Dalot ayaa ku adkeystay in macalinkooda cusub Ruben Amorim uu aad u dalbanayo in isbedel deg deg ah sameeyaan ciyaartooyda.
Dalot ayaa hadlay ka dib kulankii Man United Premier League ay barbaro 1-1 la gashay Ipswich Town isbuucaan.
Kulankii Ipswich Town wuxuu ahaa kulankii ugu horreeyay ee Amorim hogaamiyo Red Devils, waxaana ka muuqday kooxda isbedel badan.
Isagoo la hadlayay saxaafada Portuguese-ka, Dalot wuxuu sheegay in Amorim uu yahay nooca tababare oo ay Man United u baahan tahay xilligan la joogo.
Aad buu u baahan yahay, wuxuu mid mid noogu sheegay waxa uu doonayo inaan sameyno, waa shaqsi si cad ubedeli kara Man Utd “ayuu hadalkiisa raaciyay daafaca Portugal ee Dalot.
Manchester United ayaa xili ciyaareedkaan ku bilaabatay qaab xun, waxayna ceyrisay Ten Hag, iyadoo Amorim laga sugayo inuu badbaadiyo xili ciyaareedka kooxda.
