Xiddiga khadka dhexe ee kooxda Liverpool Domennik Soboszlai ayaa amaanay xiddiga Mohamed Salah ka dib wacdarihii uu ka sameeyay Southampton.

Soboszlai ayaa dhaliyay goolkii ugu horeeyay ee Liverpool, ka hor inta aysan Southampton dhalin labo gool, laakiin Mohamed Salah ayaa ku guuleystay inuu dhaliyo labo gool taasoo keentay in Reds ay hogaanka sii dheereysato.

Xiddiga Soboszlai oo arintaas ka hadlaya ayaa yidhi””Waxay yihiin koox aad u wanaagsan, waxayna na dhaliyeen laba gool, laakiin waxa muhiimka ah ayaa ah falcelinta”.

Waxa uu intaa ku daray: “Goolkeygu wuxuu yimid ka dib cadaadis kaga yimid Jones, waan ognahay inay ka soo dhistaan ​​weeraro dhanka dambe ah, waxaana ku heshiinay inaan cadaadis weyn saarno si ay qaladaad u sameeyaan, waana tan ku dhacday goolkii aan dhaliyay”.

Wuxuu amaanay Mohamed Salah: “Qof walba waa uu garanayaa qofka mohamed Salah yahay, kaliya waa in uu sii wato shaqadiisa waxa aan rajaynayaa in uu noo sii ciyaaro oo uu nala joogo inta lagu macquulsan”.