Tababaraha kooxda Chelsea Enzo Maresca ayaa sheegay in uu wali mugdi ku jiro taam ahaanshaha Cole Palmer kulanka Arsenal ee Axada.
Intii lagu guda jiray daqiiqadihii ugu dambeeyay ee ciyaartii ay bar-baraha 1/1 ah la galeen Man United Axadii Palmer ayaa ka dhaawacmay jilibka kadib markii ay isku dheceen Lisandro Martinez.
Inkasta oo uu xiddiga reer England dhamaystay ciyaarta hadana waxa uu u baahday daawayn markii ay ciyaartu dhamaatay.
Isagoo ka hadlayay shir jaraa’id galabnimadii Arbacada, Maresca ayaa shaaca ka qaaday in Palmer uu awoodi waayay inuu la shaqeeyo kooxda inteeda kale xarumaha tababarka ee Cobham.
Maresca ayaa u sheegay suxufiyiinta: “Cole ma uusan tababarin shalayto, maanta waan arki doonaa haddii uu awoodo inuu nala tababarto.”
Wuxuu intaas ku daray: “Waxaan rajaynaynaa (inuu diyaar noqon doono) waa inaan sugno, waa inaan aragnaa, ka dibna go’aansanno”.
