Weeraryahanka Borussia Dortmund Erling Braut Haaland ayaa lagu soo waramayaa inuu go’aan ka gaari doono mustaqbalkiisa dhamaadka bishaan.
21-sano jirkaan ayaa si aad ah loola xiriirinayay inuu u dhaqaaqayo Real Madrid , taasoo tartan kala kulmi doonta Manchester City iyo kooxda ay aadka u xifaaltamaan ee Barcelona saxiixa xidigan.
Dhammaan saddexda kooxood ayaa la sheegay inay wadahadalo la yeesheen wakiilka Mino Raiola iyo Haaland aabihiis si heshiis u gaaraan.
Sida laga soo xigtay Sport , Haaland ayaa doonaya inuu uga tago Dortmund si xushmad leh maadaama uu xiriir wanaagsan la leeyahay kooxda iyo taageerayaasha, sidaas darteed wuxuu marka hore kala xiriiri doonaa kooxda Jarmalka go’aankiisa.
Qiimaha lagu burburin karo 63 milyan ginni ee qandaraaska uu Norwegian-ka kula jiro Signal Iduna Park ka hor 30ka Abriil, waana sababta Haaland uu u go’aamin doono inta u dhexeysa Los Blancos, Barca ama Man City dhamaadka bishaan.
Labadii xilli ciyaareed iyo badh ee uu joogay Dortmund ilaa hadda, Haaland waxa uu dhaliyay 80 gool 83 kulan oo uu u saftay kooxda, isagoo jabiyay rikoorka gooldhalinta Champions League.